Entries

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

新工作,壞心情

到新公司上班了 = =但因為面試那天一盤有不知名毛病的酸菜魚以及其他雜菜,導致我到而家為止一直維持每天食慾不振,噁心反胃的的糟糕狀態,中午強逼自己吃一D飯。然後再灌喇叭正露丸(大佬你唔系一般的臭),一直係我呢兩個星期每日的歷程。老實講,個人唔舒服,心情果然係有嚴重的影響,成個人煩躁不安。好辛苦好辛苦。

新公司無論從環境到氣氛- -都嚴重頂唔順。每天比個死人冷氣吹住,大佬好痛苦架!!!!明知我系個怕凍的人,而且吹空調我會極度容易發燒(以前試過去HK,一冷一熱,結果翻來吊左我一個星期針),而家每日枕住係甘吹,今日我已經覺得身體發滾了,再落去我覺得好快需要請病假。。。。

可能之前的老闆係HK人,同聲同氣真系比較好溝通的,一向過慣左自由工作體驗的人呢次終於撞到間撲街公司。唔比講廣州話?講粵語當然係睇人架啦,明知你聽唔明唔通我會自討沒趣同你講,但甘樣要硬性規定我覺得好歧視- -唔比講廣州話你離廣州開公司者= =攝像頭監控?每日放工檢查包包?上網監控?大佬我唔系係東莞的山寨工廠做車衣工啊- -我對你地公司的野嚴重無興趣啊= =我只想要一個員工應有的尊重咋,你防我地好似防賊甘- -我唔明甘樣做野有乜意思,當然- -自己撞入離做野的我抵死有餘,不過如果唔系之前的公司唔景氣的話- -我念我無打算換工的,以前- -要電腦同印表機馬上就可以買到,寫申請?離架?聽都未聽過。忙的時候認真做野就得了,唔忙的時候,中意玩Q睇電影根本無人理你。而家= =連行步路都比人窒,下下都隊住曬 - -我得罪你,妖!仲要有規定同規矩唔該一早講曬我聽啦,係都要等我做左先大大聲教訓我,我叼你啊 ,一場朋友都系甘話,你想比人睇你大公無私都唔該唔好穩我出氣,我可以好忍得,甘係係我知道曬所有規矩但自己仲係衰左的時候,因為錯就要認打就要企定,但你甘專登等我犯錯先離羅我開刀令我極度唔服氣,仲有唔該唔好成日及住我做野- -係你無野比我做我先行離行去的,你知唔知無野做坐係個位會訓得著架= =仲有,你D態度越來越囂張,大佬啊 ,你果張死人設計,D要求甘,D師傅爆粗都好正常者,畢竟叫做係草根階層的人 ,唔通連人地爆粗離發洩下的資格都無??你當自己系上等人都要比翻D尊重比幫你做野的勞動人民架,有D野唔系你比錢就真系可以大曬架= =學下做人啦,甘的態度,抵人地開你高價穩你笨啦!再甘落去- -我都唔知我自己可以忍幾耐- -可能真系相見好同住難,你老味而家日日我都覺得自己真系好似上緊刑場甘,不過無辦法= =鬼叫我需要錢,但唔比上網做自己野,仲要點到名唔比我上淘寶,者系擺明斷我米路者,你甘都仲想要我唔好提甘高要求???我淘寶上面一個月都可以穩到大概1K野幫補下啦。你而家唔比我上,者係呢1K野無左,甘同我原來份工有Q分別啊 ,我之前都系2K+1K外快=3K,而家你地都系比3K我 ,仲要星期一翻到星期6?仲要朝9晚6點半??想倉你個心啦!!!

==============================================
今日金句:
使人唔好使得甘盡,你會有報應的!!!

唔該如果你唔好彩睇到呢篇野的話,都唔好穩我傾野,我系一個極度討厭開小會傾心事講狀態的 人,由以前係YACA的時候已經係甘= =你同我講大道理我會魂游的!!人,唔可能可以一忍再忍,請你反省自己的同時留意一下自己,米太得寸進尺了!

*Comment

Comment_form

管理者のみ表示。 | 非公開コメント投稿可能です。

*Trackback

トラックバックURL
http://phoenixtse.blog119.fc2.com/tb.php/26-cdfe3131

上記広告は1ヶ月以上更新のないブログに表示されています。新しい記事を書くことで広告を消せます。